Kjo grua u sëmurë me kancer pasi përdori pudër bebesh

Gjykata ka shpërblyer me 70 milionë dollarë gruan e cila hodhi në gjyq pudrën Johnson & Johnson sepse tha se nga ajo kishte marrë kancerin.
Deborah Giannecchini nga Modesto, Kaliforni u diagnostifikua me sëmundjen në vitin 2012 dhe akuzoi kompaninë për sjellje neglizhente ndaj reklamimit të pudrës së bebeve. Padia ishte bërë sepse ajo deklaronte se e kishte marrë sëmundjen, pasi kishte përdorur pudër në një pjesë intime të trupit.
“Jemi të kënaqur që juria bëri gjënë e duhur. Duhet të paralajmërojmë publikun për rreziqet që vijnë nga pudra e bebeve Johnson’s baby”, tha Jim Onder, avokati i Giannecchinit.
Megjithatë kompania ka refuzuar se pudra përbën rrezik për këdo që e përdor atë, madje dhe në vendet intime.