Ditën e sotme i vogli i dy këngëtarëve të njohur, Vesa Luma dhe Big Basta, Lian feston 4 vjetorin e tij. Nga fotot e publikuara në ‘Instagram’ duket se Lian ka festuar mes ëmbëlsirave dhe dhuratave.
Në këtë ditë speciale Vesa i ka dedikuar fjalët më të ndjera dashurisë më të madhe të saj duke shkruar: “Jeta ime gëzuar 4-vjetorin. Nuk di të zgjedh fjalët e duhura në ditë si këto, por kur më thua çdo natë ‘Të dua shumë mami, je më e mira në botë, ti je heroina ime’, aty unë mbyll sytë dhe përulem ndaj Zotit dhe lutem që të të kemi aq të mirë e të dashur dhe me çdo gjë perfekte që të rrethon. Paç shëndet e fat gjithmonë në jetën tënde. Mami dhe babi janë shumë krenar me ty. Faleminderit shumë të gjithëve për çdo urim e dashuri që na jepni për Lianin çdo ditë. Na mbushni me jetë, paçit jetë të lumtur pranë familjeve tuaja përgjithmonë. Ju duam”.
Ajo çfarë vihet re tjetër nga fotot është dhe fakti se i vogli ka prerë flokët, duke marrë pamjen e një djali më të rritur tanimë. Edhe në këtë postim nuk kanë munguar urimet e ndryshme nga ndjekësit dhe miqtë e afërt të Vesës dhe Big Bastës./revistawho.com
https://www.instagram.com/p/CAw9dqXpzOu/
