Sot në “Ëndërrtjerrësit” u fol për talentet e rinj që rrugëtimin në media e nisën në fillimet e Top Channel. Por sot as Ori Nebiaj që ka çdo javë pultin në dorë për të drejtuar këtë program dhe ka vendosur në siklet, ose thjesht i ka bërë nostalgjik të ftuarit nuk i shpëtoi një surprize. Asaj ju desh të shihte veten në ekran, kur ishte gjimnaziste, bjonde dhe me vetullat e holla si të gjithë asokohe. Nëse të pranishmit nuk do kishin thënë që kjo është Ori Nebiaj dora vetë, as nuk do na kishte shkuar mendja.
Sigurisht kjo është e kuptueshme, për moshën që ka në ato video dhe kaq shumë ndryshime me stilin e sotëm, e pamjen e saj tani. Por nëse doni të dini si ka qenë Ori, para se të bëhet ajo që njohim tani, prezantuese dhe moderatore e kaq shumë programesh, janë kujtim këto foto, të marra nga rubrika Kupid, që ishte pjesë e emisionit të të rinjve, Select, që drejtohej nga Albana Osmani./revistawho.com
