Mbrëmjen e sotme Klajdi dhe Bruno ishin të ftuarit specialë në spektaklin “Klanifornia”. Dyshja e njohur në fillim u përballën me një sfidë të fortë “E vërtetë ose guxim”, duhej t’i përgjigjeshin një pyetjeje ose ishin të detyruar të bënin diçka që do u thoshte Marina.
Klajdi dhe Bruno këtë herë u treguan mjaft të sinqertë me pjesën më të madhe të pyetjeve, që kishin të bënin me jetën e tyre private, diçka për të cilin ata tregohen mjaft të rezervuar. Bruno ka treguar se asnjëherë nuk ka dalë pas një koncerti me një fanse dhe se vendi më i çuditshëm ku ka kryer marrëdhënie ka qenë poshtë një peme ulliri.
Ndërsa Klajdi ka thënë me shaka se ka puthur 58 herë, kur është pyetur sa vajza ka puthur. Në fund dy artistët kanë pranuar publikisht se ju rreh zemra për një person. Klajdi e pranoi direkt, ndërsa Bruno pyeti publikun e më pas tha ‘Po’. Dy këngëtarët nuk flasin shpesh për këtë çështje, por duket se ata janë shumë të lumtur me jetën e tyre. /revistawho.com
