Prej kohësh, këngëtari i njohur i grupit të ‘ThreeDots’, Klajdi Haruni ka pranuar se është i dashuruar, megjithatë asgjë më mirë se fotoja e fundit me vajzën që i ka marrë zemrën nuk mund ta konfirmonte këtë lajm.
Fillimisht artisti ka ndarë disa foto të vetat mbi shkëmbinj, duke treguar se ka shijuar pamjen fantastike dhe natyrën rreth tij, ndërsa më pas ai ka publikuar një foto dhe me shoqëruesen në këtë destinacion të veçantë, të cilin ka zgjedhur ta mbajë sekret.
Klajdi e ka shoqëruar foton edhe me një zemër të madhe aty ku dallohet ai dhe vajza me bluzën në ngjyrë të bardhë. Neve s’na mbetet gjë tjetër veç momentit kur Haruni do na i prezantojë më nga afër të dashurën e tij dhe ta urojmë për ditë sa më të lumtura, si ato tek fotot e fundit me të./revistawho.com
