Klajdi Musabelliu kacavirret për të rregulluar antenën, nuk i kap TVSH-në

Klajdi Musabelliu, këngëtari që ushtron profesionin e gazetarit, pritet t’i rikthehet këtë fundvit skenës së festivaleve dhe forma që ka zgjedhur për t’i ftuar miqtë e tij që ta ndjekin është shumë interesante… Klajdi ka sakrifikuar veten, duke u kacavjerrë jashtë dritares për të realizuar këtë foto poshtë të cilës shkruan: “S’ma kap mirë Tiranën. Ta kthej içik nga Dajti se na fillon Festivali në 25/26/27 në TVSH. Papingji, Jorganxhi dhe Deda ju presin në Pallatin e Kongreseve dt.26 ose na shikoni nga shtëpia po patët ftohtë. Ça s’ndodh ditët e sotme, por ama mos harroni, ‘Ndodh edhe kështu’”. “Ndodh edhe kështu” është titulli i këngës me të cilën ai do të prezantohet në këtë edicion të festivalit të madh në RTSH.