Klaudia Pepa dhe Graciano Tagani që në fillimet e tyre në TV Klan kanë krijuar një marrëdhënie shumë të ngushtë miqësie me njëri-tjetrin. Pasi Klaudia u zhvendos në Itali për të zhvilluar karrierën e saj, duket se sa herë që kthehet ne vendlindje nuk largohet asnjëherë pa u takuar me miqtë e saj më të mirë, ndër të cilët edhe Gracianon.
Së fundmi dy balerinët kanë vendosur të ndajnë disa ditë pushimi së bashku në një nga vendet më të veçanta në Itali. Në ‘Instagram’-in e tij Graciano ka publikuar disa video ku duket në shoqërinë e Klaudias. Dy balerinët duket sikur janë kthyer pas në fëmijëri, sepse të dy kanë shkuar në një nga parqet më të mëdhenj për argëtim në Itali. Graciano dhe Klaudia duken shumë të lumtur duke shijuar disa shëtitje në një ‘botë magjike’.
Kujtojmë se Graciano është larguar nga trupa e baletit të Albi Nakos, sepse është bërë pjesë e ‘Dancing With The Stars’. Megjithatë ai ka treguar se me Albin vazhdon të ketë marrëdhënie shumë të mira miqësore. /revistawho.com
