Prej disa vitesh balerina shqiptare, Klaudia Pepa, është zhvendosur në Itali. Si fillim ajo u bë e njohur në shtetin fqinj me pjesëmarrjen e saj tek ‘Amici’ e pak nga pak arriti të ngjiste shkallët e karrierës. Jo vetëm në Shqipëri, por edhe në Itali, tashmë emri i saj njihet dhe preferohet nga të gjithë. Por duket se Klaudia dëshiron që figurën e saj si personazh publik ta shtrijë në disa dimensione.
Së fundmi, ajo është përfshirë në një emision televiziv në ‘Sky Italia’ dhe ka rolin e prezantueses. Ajo ka publikuar një video në ‘Instagram’, në të cilën shihet duke moderuar dhe mund të themi se ja ka dalë me të vërtetë mbanë edhe në këtë eksperiencë të re.
Megjithatë ajo kërkon mbështetjen dhe bekimin e të gjithëve për këtë. “Eksperienca e parë si prezantuese më uroni fat”, – ka shkruar ajo. Të gjithë miqtë e saj shqiptarë dhe italianë i kanë uruar suksese dhe madje e mbështetsin, sepse e dinë që ajo është e zonja dhe do t’ja dalë mbanë më së miri. /revistawho.com
https://www.instagram.com/p/BiZTWaeFmuc/?taken-by=klaudiapepa
