Në fillim të këtij muaji, dyshja e njohur Klea Huta dhe Elgit Doda u bënë prindër për herë të parë. Klea solli në jetë një djalë që vendosën ta quajnë Krid. Moderatorja ka treguar me anë të postimeve të ndryshme se është gjithmonë pranë vogëlushit dhe nuk dëshiron t’i ndahet asnjë moment. Së fundmi ajo ka publikuar duart e vogëlushit, duke shkruar: “Jam e dashuruar me ty, më fal”. Postimin ajo e ka shoqëruar me këngën e Kejsi Tolës “Më ke mua”, duke iu drejtuar vogëlushit. Deri tani, Klea nuk ka ndarë asnjë foto të portretit të vogëlushit duke u treguar mjaft e rezervuar për këtë pjesë meqë ai është akoma shumë i vogël.
