Showbizi shqiptar është përfshirë nga një tjetër lajm që ka ngritur shumë pikëpyetje mes ndjekësve: a ka marrë fund një nga historitë më të dashura të publikut, ajo mes Klea Hutës dhe Elgit Dodës?
Sipas gazetarit Elton Tozaj, i cili foli në emisionin “MCN”, çifti nuk është më bashkë dhe, siç ai tha, “Elgiti ka nisur një lidhje të re me një vajzë nga Lushnja.” Kjo deklaratë ka mjaftuar që rrjetet sociale të shpërthejnë me komente, teori dhe reagime nga fansat që nuk e kishin pritur një ndarje të tillë.
Ndjekësit e kanë vënë re menjëherë një detaj domethënës: Klea dhe Elgiti kanë fshirë të gjitha fotot e përbashkëta nga rrjetet sociale, duke mos lënë më asnjë kujtim virtual nga koha e tyre së bashku.
Klea Huta dhe Elgit Doda kanë qenë për vite me radhë ndër çiftet më të dashura të showbiz-it shqiptar, duke ndarë me publikun momente të ëmbla dhe duke u parë si shembull i harmonisë në jetë dhe karrierë.
