“Youtube” tashmë është kthyer në një ndër platformat më të ndjekura, pasi të gjitha emisionet, këngët dhe shumë gjëra të tjera mund të shihen aty. Të shumta janë vajzat e ekranit të cilat kanë hapur kanalin e tyre në në këtë platformë, nëpërmjet të cilit gjenden më afër fansave të tyre. Së fundmi edhe Klea Huta nuk i ka rezistuar këtij trendi të ri. Nëpërmjet llogarisë së saj në ”Instagram” Huta lajmëron se shumë shpejt do të vijë me ”vlogun” e saj të parë. “Hey miq, shumë shpejt do të vij me videon time të parë. Nuk është se jam shumë e zonja në këtë sektor por me mbështetjen tuaj pooo. Deri atëherë ju mund të bëni subscribe”, shkruan Klea krah videos ku shihet kanali i saj.
Kujtojmë se Klea dhe Elgiti shumë shpejt do të bëhen prindër për herë të parë, pasi moderatorja është në pritje të ëmbël.
