Klea Huta është moderatorja e ëmbël e ekranit, e cila ka tërhequr vëmendjen e publikut që me daljen e saj të parë. Si fillim e njohëm teksa prezantonte dhe së fundmi i është futur edhe rrugës së muzikës. E nëse e keni pyetur veten se nga i buron gjithë kjo bukuri dhe ëmbëlsi, përgjigjen jua jep Klea. Nëpërmjet një postimi në ‘Instagram’ moderatorja ka publikuar një foto të së ëmës, me të cilën duket si dy pika uji.
“Po ti je bota ime o mirësia ime. Je buqeta më e bukur që kam parë ndonjëherë. Vetëm ty dua të të shoh të lumtur, ti të jesh më e lumtura në botë. Ti do kishe jetuar gjithë jetën në lëndina me lule e kopshte të mëdha, kurse unë do doja të qëndroja përjetë në prehrin tënd ma. Faleminderit Zot për çdo ditë që të kam,”- shkruan Klea krahas fotos.
Kujtojmë se së shpejti Klean do e shohim në ekranin e “Top Channel” në emisionin, “Top of the top”./revistawho.com
