Sapo ka festuar 23 vjetorin, ka mbyllur sezonin e dytë të spektaklit “Gjeniu i vogël” dhe po drejton turneun “Maratona e këngës popullore qytetare”. Duket se Klea Huta është në rrugën e duhur sa i takon karrierës, kështu që në paskuintat e spektaklit në qytete të ndryshme të vendit gjen edhe pak kohë për të bërë edhe ndonjë foto me organizatorët e për ta ruajtur si kujtim. Siç shkruan “Story”, Klea ka bërë foto edhe me skenaristin Pandi Laço, të cilit prezantuesja duket se ia ka fituar zemrën përderisa ai dhe drejtuesit e tjerë i kanë besuar projektet e tyre të rëndësishme televizive. Producentët e spektaklit “Maratona” kanë menduar që Klea të jetë e vetme në skenë, duke ia besuar asaj të gjithë drejtimin, ndryshe nga vitet më parë që prezantimin e bënte dyshja klasike Drini Zeqo dhe Anjeza Maja.
