Balerini shqiptar Kledi Kadiu i ka dhënë fund beqarisë pak ditë më parë. Ai u kujdes që dasma të mbetej sa më private, madje dhe miqtë e tij shqiptarë kanë publikuar shumë pak momente nga ceremonia. Të ftuar në ceremoni kanë qenë Ilir Shaqiri, Lorik Cana, Anbeta Toromani, Igli Tare, Dorian Grori dhe Klodian Çela.
Fotot e para të çiftit dolën ditën e sotme nga mediat italiane, ndërsa vetë Kledi ka publikuar disa momente me të ftuarit dhe ato që mund të konsiderohen si më emocionueset.
Njëra prej tyre ka në qendër Charlote, bashkëshorten e Kledit e cila ka marrë vallen shqiptare dhe e kërcen në mënyrë perfekte. Ndërkohë Kledi djeg shaminë e beqarit siç e ka tradita.
Kujtojmë se çifti ka një vajzë 2-vjeçare, të quajtur Lea, e cila dasmën e ka shijuar bashkë me prindërit./revistawho.com
