Kledi Kadiu ka dhënë një lajm shumë të rëndësishëm për veten me anë të një postimi në ‘Instagram’. Më i emocionuar se kurrë ai ka shkruar se është përzgjedhur si kandidat për anëtar të administratës së Fondacionit Nacional të kërcimit të Romës. “Besimi i Ministrit të të mirave dhe aktiviteteve kulturore më mbush me lumturi dhe krenari. Mezi po pres që të bëj punë të mira dedikuar pasionit për punën me këtë impenjim të ri për kërcimin”, shkruan ndër të tjera balerini i njohur.
Siç edhe duket qartë karriera e Kledit në Itali po kalon në një tjetër stad. Balerini me origjinë shqiptare jeton prej shumë vitesh në vendin fqinj ku ka ndërtuar edhe familjen e tij. / revistawho.com
