Atletja e njohur, Kodiana Shala ka ndërmarrë së fundmi një nismë së bashku me ‘Fiks Fare’ për të ndihmuar familjen e kampionit të atletikës, Genc Lugja. Në dhjetor të 2017-ës emisioni investigativ ka qenë i pranishëm në ambientet e shtëpisë së Gencit, ku është filmuar gjendja e mjerueshme në të cilën jeton familja. Pavarësisht faktit se ka qenë një emër i njohur për shumë vite në sportin e atletikës dhe kupat e tij janë të renditura në rafte, shteti siç thekson motra e Gencit nuk ka ndihmuar në rregullimin e gjendjes së tij.
Para disa vitesh, Klodiana Shala ka ndihmuar me blerjen e disa mobileve për familjen e kampionit, ndërsa tani së bashku me ‘Bashkinë e Tiranës’ do të dhurojë para në rikonstruktimin e plotë të shtëpisë së Lugjës. Atleti i njohur më në fund do të ketë një shtëpi të denjë për të jetuar, pas shume vitesh kontribut në sportin shqiptar./revistawho.com
https://www.facebook.com/tch.fiksfare/videos/vb.302226343485411/1722741034494292/?type=2&theater
