Roza është asociuar gjithmonë me vajzat dhe sigurisht që është një nga ngjyrat që shkon më shumë me karakterin e një femre. Është e brishtë dhe e ëmbël në të njëjtën kohë, që nxjerrë në pah të gjithë feminilitetin. Megjithatë ka shumë raste që është e vështirë të vishesh kokë e këmbë me të njëjtën ngjyrë, sepse ndonjëherë kjo mund të prishë gjithë imazhin e bukur të një veshjeje. Por kur vjen puna tek roza, kjo gjë nuk vlen aspak. Nuk ka asnjë kolor tjetër që mund të nxjerrë në pah të gjithë bukurinë tuaj, edhe nëse zgjidhni të visheni nga koka tek këmbët vetëm me rozë. Shumë personazhe të njohur e kanë provuar këtë gjë dhe kanë treguar se nuk ka guxim më të ëmbël se sa të vishesh e gjitha ‘pink’. Më së shumti kemi vënë re se ndër to një kostum rozë është më i preferuari, duke na krijuar edhe idenë se një veshje e tillë është mirë të mos mungojë në garderobën e asnjë vajze. Tashmë nuk keni pse mendoheni dy herë, nëse një ditë doni vetëm një ngjyrë, zgjedhja më e mirë është roza. /revistawho.com
