Mbrëmjen e kaluar në Pallatin e Kongreseve u mbajt koncerti që bëri bashkë këngëtaret më të njohura të muzikës shqiptare. Në një mbrëmje dedikuar muzikës së vërtet Rovena Dilo, Irma Libohova, Besa Kokëdhima dhe Eneda Tarifa kënduan këngët që kanë shkruar historinë e muzikës shqiptare. Mes publikut që kishte mbushur plot Pallatin e Kongreseve nuk ishin vetëm njerëzit e thjeshtë, por edhe kolegët e këngëtareve. Emocioni që divat dhuruan u përçua po njëlloj edhe te ata. Ndaj dhe vetë vajzat që organizuan mbrëmjen fantastike morën disa sekonda nga koha e performancave për të falënderuar të pranishmit, sidomos kolegët që kishin aq shumë dëshirë të ndiqnin live performancat. Midis tyre ishin emra si Elvana Gjata, Aurela Gaçe, Jonida Maliqi, Rozana Radi etj, por nuk munguan as personazhe të tjerë të ekranit./revistawho.com
