Nga Ajn
Dita e 31-të e karantinë. Të infektuarit me Covid-19 janë rritur me 21 ndërsa në total tashmë kemi 467 të prekur, më shumë se gjysma të shëruar. Java e pestë e izolimit, na ka mësuar me muret. Herët, patëm shpresën se kaq do të mjaftonte për të shëruar vendin, por duket se asgjë ska për të qenë më njësoj dhe nuk e dimë as kur jetët tona do rifillojnë. Shumë prej nesh ende janë mbyllur, e shumë të tjerë ende dalin, sepse nuk rrinë dot mbyllur. Bota po mendon për muaj të tërë në kushte të reja, gjatë të cilëve do të shohim se sa mund t’ia dalim mbyllur.
Tashmë as Pëllumb Pipero nuk duket i qetë. Ai po kërkon më shumë teste, duke përmendur siç shumë zëra kritikë prej një muaji se mund të jetë asimptomatikët që infektojnë duke lënë një zinxhir të padukshëm të endet i lirë në jetët tona të burgosura. Nëse për një muaj janë testuar vetëm rreth 4 mijë vetë, mos vallë ne 2 milionë e 796 mijë të tjerët po presim radhën?
Tragjedia botërore nuk ka të ndalur por secili vuan për vete. Ata që flisnin me kompetencë për virusin që patë parë në televizor tani janë më vijëm e parë të frontit duke bërë parashikime që nuk dalin. Për jetët tona të mbledhura një grusht. Sot ishte një ditë si gjithë të tjerat, shumë të infektuar e pak teste dhe një e panjohur e madhe mbi të ardhmen.
