Ditën e djeshme koreografi Albi Nako ishte i ftuar në programin “Rudina”. Ai foli për ndarjen e bujshme me Klaudia Pepën duke u përlotur në studio. Por dyshja treguan se kanë ruajtur një raport pozitiv me njëri-tjetrin. Klaudia i bëri Albit një video surprizë, ku ndër të tjera e quante “vëllai im i madh”. Ishte pikërisht ky emërtim që shkaktoi polemika tek publiku, të cilët shpërthyen në komente e ironi. Po vazhdojnë dhe sot, sidomos në rrjetet sociale të balerinës. Të shumë janë ata që nuk e kuptojnë se si mund ta quash “vëlla” ish-bashkëshortin e gjithashtu që shprehen negativisht për të gjithë këtë histori. Të bezdisura nga reagimet e shumta, nëna e motra e Klaudia Pepës i kanë dalë asaj në mbrojtje, duke iu përgjigjur komentuesve.
“Nuk të pengon askush të japesh mendimin tënd as ty dhe askënd por brenda kornizave te etikës njerëzore pa fyer asnjërin nga të dy. Nëse s’të pëlqen diçka thuaje por trego qytetari për veten jo për ata se ata janë aq qytetarë sa asnjë nga ju që komentoni negativ dhe e bëni të bardhen të zezë me zor, nuk keni për t’i kuptuar. Unë e pranoj që ka dhe nga ata që s’të duan apo s’të pëlqejnë se jo çdokush pëlqehet nga masa e gjerë por fyerjet janë të tepërta”, i përgjigjet nëna e Klaudias, zonja Lume Pepa, një komentueseje. Pas saj ka reaguar dhe e motra e artistes, Pamela Pepa, duke shkruar: “Në një martesë të shëndetshme burri ose gruaja nuk janë vetëm dy qenie që dashurohen si të tillë. Dashuria është akoma më e pastër kur njeriun që ke perkrah e quan në radhe të parë shok, vëlla e më pas burrë. Sepse të arrish të krijosh një marrëdhënie të tillë me personin e zemrës atëherë gjithçka shkon mirë dhe sidomos në rast divorci gjërat ndahen me mirëkuptim dhe marrëdhënia vazhdon e paqtë. Por nuk do jenë të gjithe me horizont të hapur e njerëz të thellë që mos t’i marrin ato çka thuhen aq shabllon e sidomos t’i sjellin gjërat siç duan vetë. Sepse nuk do dimë të bëjmë dallimin mes njerëzve, karaktereve, kulturës ose niveleve. Ju nuk ka çfare ju duhet si e quan ajo Albin tashmë që nuk janë më bashkë. Nuk besoj se duhej ta quante “ish-bashkëshorti” pasi atë marrëdhënie të afërt mbajnë. Ka mbaruar dashuria si burrë dhe grua dhe ka mbetur si shokë apo vëlla. Me vjen keq që jeni kaq të cekët. Po të kishit aq mend sa thoni e bëni nuk do flisnit kaq rëndë e pa respekt. Sepse një njeri i mençur nëse ka një pakënaqsi që i ka vrarë veshin apo një këshillë, e thotë në mënyrë të kulturuar e jo duke përdorur fjalë të tipit “legene, trape, fytyrë e deformuar” e sidomos kur fytyrat tuaja janë më keq se vetë e keqja. Njerëz të ulët e pa kulturë!”/revistawho.com
