Isida Mollaymeri është padyshim jo vetëm një balerinë e talentuar por edhe shumë e bukur. Solistja e “Teatrit Kombëtar të Operas dhe Baletit” që njihet nga publiku i gjerë sidomos pas performancave të saj në spektaklin e Vizion Plus, “Dancing With The Stars”, ka një fizik perfekt dhe konsiderohet një nga femrat më tërheqëse shqiptare. Por edhe në këtë rast, “trimat” që fshihen pas rrjeteve sociale i kanë gjetur edhe Mollaymerit një “difekt”. Isida ka shpërndarë në Facebook një foto ku pozon pranë partnerit të saj në edicionin e parafundit të “Dancing”, Valer Kolnikaj. “Isida është shumë e bukur s’e kuptoj pse s’e bën hundën operacion”, ka shkruar një komentuese. Isida e ka marrë me shumë sportivitet! Përgjigja e balerinës është epike. “Ana shumë faleminderit për komplimentin. Sa për sugjerimin ma thonë shumë vetë punën e hundës por mua më pëlqen shumë kjo hunda ime. Zoti më pikturoi kështu dhe dora e njeriut po të punojë mbi pikturën e tij veç do mund ta shëmtojë, asnjëherë s’do e bënte më të bukur!!!”, ka shënuar ajo./ revistawho.com
