Kompania “Sony Music Group” dyshohet se ka paguar të paktën 600 milionë dollarë për gjysmën e kompozimeve të Michael Jackson. Nëse është e saktë, kjo do të thotë se pasuria muzikore e këngëtarit vlen më shumë se 1.2 miliardë dollarë. Michael Jackson, i cili u nda nga jeta në vitin 2009 në moshën 50-vjeçare, është një nga yjet më të suksesshëm të popit të të gjitha kohërave, duke shitur më shumë se 400 milionë disqe në mbarë botën.
Albumi i tij i vitit 1982, “Thriller”, është ende rekordi më i shitur i të gjitha kohërave, sipas Guinness World Records.
