Këngëtarja e njohur shqiptare, Dafina Zeqiri, ka emocionuar ndjekësit e saj me një njoftim të veçantë në rrjetin social Threads. Artistja do të ngjitet në skenë për herë të fundit këtë të shtunë, para se të nisë një kapitull të ri në jetën e saj – atë të të bërit nënë. Në postimin e saj, Dafina shkruan: “Këtë të shtunë e kam koncertin e fundit për një kohë. Kam pak emocione, sepse nuk e di saktë kur kthehna prapë me performu live, ama projektet s’kanë me u ndal!”
Ajo ka lënë të kuptohet se, pavarësisht pushimit nga performancat live, nuk do të mungojë me projekte të reja muzikore. “Një surprizë shumë të bukur për këtë verë (për të tjerat s’po flas, ia lë kohës)”, ka shtuar këngëtarja, duke ngritur pritshmëritë për verën që po vjen.
Në përfundim të mesazhit, Dafina shpreh mirënjohjen dhe dashurinë e saj për publikun: “Mezi po pres me u kënaq’ bashkë me ju edhe një herë live, deri herën tjetër. Ju dua shumë.” Ajo dhe partneri i saj, Kreshniku, janë në pritje të lindjes së djalit të tyre të parë.
Së fundmi, Dafina ka adresuar në InstaStory edhe një temë delikate që prek shumë gra – sidomos gjatë shtatzënisë. Ajo foli hapur për zhgënjimin ndaj disa burrave që komentojnë në mënyrë gjykues trupin dhe ndjenjat e grave shtatzëna. Këto mesazhe të sinqerta po gjejnë jehonë të madhe tek fansat, duke e bërë Dafinën një zë të fuqishëm jo vetëm në muzikë, por edhe në temat sociale.
