Neymar dhe Bruna Biancardi i dhanë fund marrëdhënies së tyre në nëntor dhe u tha se arsyeja ishin lajmet për tradhti. E mesa duket lajmet kanë qenë të vërteta pasi sot mediat braziliane raportojnë se Neymar do bëhet baba për herë të tretë dhe nëna e fëmijës është tre muajshe shtatzënë.
Lajmi i shtatzënisë erdhi si një surprizë për futbollistin, i cili aktualisht po rikuperohet nga operacioni në gju. Thuhet se modelja braziliane mbeti shtatzënë kur dyshja kishin një aferë.
Dy muaj më parë Neymar u bë baba për herë të dytë me ardhjen në jetë të vajzës, Mavie. Futbollisti 31-vjeçar është edhe babai i 12-vjeçarit Davi Lucca.
