Konfirmohet lajmi: Adele i jep fund martesës me bashkëshortin

Këngëtarja e njohur Adele i ka dhënë fund martesës së saj me Simon Konecki. Prej vitesh në media qarkullonte lajmi se ata kishin probleme të shumta në marrëdhënie, derisa vendosën t’i japin fund gjithçkaje. Lajmi i ndarjes është konfirmuar edhe nga vetë zëdhënësit e këngëtares. Ata kanë treguar se Adele dhe ish-partneri i saj nuk duan të flasin gjatë për këtë çështje, por vetëm kanë thënë se djalin e tyre do vazhdojnë ta rrisin bashkë. Pak ditë më parë burime për “The Sun” treguan se këngëtarja dhe bashkëshorti i saj bënin jetë të ndara dhe se marrëdhënia e tyre nuk do zgjaste dhe shumë. Adele dhe Simon u njohën në vitin 2011 nga Ed Sheeran, ndërsa djali i tyre erdhi në jetë në 2012. Çifti i njohur u martuan gjatë Krishtlindjeve të 2017 në vilën e tyre në Los Angeles. /revistawho.com