Pak ditë më parë bëri bujë në media lajmi se Orinda Huta do të largohej nga ‘Klan Tv’ për një projekt të rëndësishëm. Këto fjalë u përhapën pasi moderatorja e njohur u fotografua përkrah Zana Çelës, drejtoreshës së ‘Teatrit të Operas dhe Baletit’.
Largimi u mohua nga Orinda, por burime për ‘Revista Who’ u shprehën se takimi i tyre kishte të bënte me një projekt të ri që i është besuar bukuroshes së ekranit. Bëhet fjalë për drejtimin e Festivalit Operistik, ‘Marie Kraja’, i cili do të organizohet në datat 18, 19 dhe 20 prill në Tiranë. Ky lajm është konfirmuar sot nga vetë Zana Çela. Duke marrë parasysh eksperiencën e gjatë të moderatores në ekran, ky projekt i ri që i është besuar me siguri do të rezultojë një sukses. /revistawho.com
