Miley Cyrus i la të gjithë fansat e saj pa fjalë kur i dha fund marrëdhënies me Liam Hemsworth dhe vendosi të niste një tjetër me Kaitlynn Carter. Por lidhja me këtë të fundit nuk i zgjati shumë dhe tashmë Miley ka nisur një tjetër histori dashurie me Cody Simpson. Pavarësisht se ndarja ishte e dhimbshme edhe Liam ka vendosur të ecë përpara me jetën e tij dhe të nisë një lidhje të re. Ditën e enjte ai u fotografua i kapur përdore me aktoren Maddison Brown dhe së fundmi është konfirmuar se ata kanë nisur një romancë. ‘DailyMail’ ka siguruar disa foto, në të cilat ata shihen duke shkëmbyer disa puthje pasionante së bashku në rrugët e New York-ut.
Dyshja shijuan disa pije bashkë në një lokal dhe më pas u panë duke u përqafuar dhe puthur. Ata duken mjaft të lumtur në shoqërinë e njëri-tjetrit dhe Liam mjaft komod.
Nuk dihet nëse kjo lidhje është një hakmarrje e Liam ndaj Miley-t apo ai ndjen vërtetë diçka për Maddison, por çdo gjë pritet të shihet me kalimin e kohës. /revistawho.com
