Në këtë atmosferë të bukur festash, na ka ardhur sot një lajm gjithaq i bukur! Bëhet fjalë për një pritje të ëmbël të një prej zëdhënëseve më sharmante që ka pasur ndonjëherë Shqipëria. Besojmë e kuptuat se e kemi fjalën për Laura Vorpsin, ish-zëdhënësen e Partisë Demokratike. Po, Laura është shtatzënë! Fëmija që ajo pret është fryt i një dashurie të madhe, të ruajtur me shumë kujdes nga sytë kuriozë. Ajo prej kohësh është në një romancë të bukur me themeluesin e “Le Spot Group” po ashtu shumë simpatik Theodhori Çami. Dhe ashtu diskretë si gjithnjë ata tani kanë kaluar në një fazë tjetër të marrëdhënies që i ka afruar më shumë se kurrë, së shpejti do të bëhen prindër. Burime pranë dyshes së bukur e kanë konfirmuar këtë lajm për “revistawho.com”. Detaje të tjera si gjinia e fëmijës apo nëse do të bëjë dasmë çifti mbeten ende mister. Me gjasë për shumë lexues ky lajm ishte një surprizë e madhe pasi si Laura ashtu dhe biznesmeni thuajse kurrë nuk kanë folur në media për jetën e tyre private e aq më pak për historinë e dashurisë. Mirëpo nga ana tjetër nuk ka pasur nevojë për shumë fjalë pasi çifti është parë krah njëri-tjetrit në eventet më të rëndësishme të kryeqytetit.
Laura Vorpsi dhe Theodhori Cami me ciftin Ylli dhe Mimoza Ndroqi ne dasmen e te birit
