Një pjesë e madhe e familjarëve i kanë dalë kundër Meghan Markle, sepse sipas tyre nuk kanë marrë asnjë ftesë për dasmë. Madje dhe motra e saj nga ana e babait ka thënë se nuk mundet të pranojë që Meghan të ftojë mbi 1.000 veta të panjohur në dasmën e saj dhe të mos ftojë asnjë nga ana e familjes.
Por mbesa 19-vjeçare i ka dalë në mbrojtje tezes së saj, Meghan. Noel Rasmussen ka thënë se kjo gjë e ka ndarë familjen në dy pjesë dhe në vend të kësaj ata duhet ta mbështesin Meghan. “Është në natyrën e Meghan që të jetë një njeri shumë pozitiv dhe ajo nuk do të rrethohet nga asnjë ndjenjë negative. Unë mendoj se ajo po bën më të mirën në sy të publikut. Gjithmonë e kam parë si motrën time të madhe, sepse më blinte rroba dhe libra. Më ka mësuar të lexoja. Është shumë e sjellshme, e zgjuar, i mendon gjërat gjatë dhe është shumë e dashur”, – ka thënë mbesa e Markle.
Megjithatë pallati mbretëror ka pranuar se në dasmë sigurisht që do të jenë të pranshiëm nëna dhe babai i Meghan, por kanë refezuar që të ketë të afërm të tjerë si kushërinjtë e saj. Prindërit e Markle janë ndarë që kur ajo ka qenë dy vjeçe prandaj Meghan nuk e njeh një pjesë të madhe të familjarëve të saj. Por motra e Meghan ka thënë se nuk mund të ftohen në dasmë 1.000 të panjohur dhe të lihen jashtë familjarët, sepse familja mbetet familje. /revistawho.com
