“Klan” dhe “Top Channel” janë dy prej kanaleve televizivë më të ndjekur nga shqiptarët. Ndonëse nuk ngjajnë shumë në programacion apo në prodhime, konkurrenca midis tyre është shumë e fortë. Aq sa nuk mund t’i lejojnë vetes të bëjnë “armëpushim” as gjatë verës. Së shpejti të dyja kanalet do të nisin një tur spektaklesh në të gjithë vendin, ku “Klan” do të ftojë shqiptarët në sheshe me “Maratona e Këngës Popullore” drejtuar nga Klea Huta, ndërsa “Top”-i me trupën e sukesshme të “Portokalli” drejtuar nga Xhemi Shehu e Salsano. Sigurisht që të dyja do të shoqërohen nga transmetime maratonë televizive. Një surprizë e bukur kjo edhe për qytetarët, të cilët jo vetëm do të kenë ç’të shohin nga televizori, por do të kenë 2 herë arsye për të dalë në shesh. Suksese!/ revistawho.com
