Një rrëfim tronditës ka ardhur nga Miki, njëra prej konkurrenteve më të reja të programit të njohur të dashurisë “Për’puthen”. Ajo ka vendosur të ndajë një histori personale tejet të dhimbshme, duke sjellë në vëmendje rëndësinë e mbrojtjes së fëmijëve dhe kujdesit që duhet treguar për rritjen e tyre.
“Kam marrë guximin të vij në ‘Për’puthen’ edhe pse kam pak frikë nga meshkujt. Kam përjetuar disa situata që e vogël, shumë të rënda. E ndjej se mund të flas me ty sepse po ndjehem komfort. Por janë situata shumë të vështira. Kur kam qenë 9 vjeç, kushuriri im çdo të shtunë, më përdhunonte. E njëjta gjë më ka ndodhur kur isha 13 vjeç. Edhe pse kam qenë më e pjekur, më ka ndodhur e njëjta gjë me një kushuri tjetër. Herën e parë as nuk e kam kuptuar se çfarë po ndodhte. Imagjino një vajzë 9 vjeçe që luan me kukulla,” – u shpreh ajo mes lotëve gjatë takimit me një nga konkurrentët e programit, Xhonin.
Rrëfimi i Mikit sjell në vëmendje një problem serioz, abuzimin seksual ndaj fëmijëve, që fatkeqësisht mbetet një plagë e hapur në shoqërinë tonë. Ky moment tregon qartë rëndësinë e edukimit, sensibilizimit dhe krijimit të një ambienti të sigurtë për fëmijët!
