Mbrëmjen e kaluar, këngëtarja e njohur Rovena Dilo ishte e ftuar në “Këndo këngën time”. Aty ajo ka zbuluar shumëçka për karrierën e saj ndër vite. Mes të tjerash ajo preku edhe temën e konkurrimit në “Kënga Magjike”. Ajo u shpreh se kolegët e saj nuk janë gjithmonë të drejtë më ndarjen e pikëve. “Unë nuk futem më në Këngën Magjike për të më dhënë çmimin e parë kolegët. Në përgjithësi kolegët nuk janë gjithmonë të drejtë. Ata kanë grupet e tyre, pëlqimet e tyre dhe ti nuk mund të pretendosh që ata të të japin gjithmonë pikët maksimale. Mua më pëlqen të sjell këngë të reja, pse jo të kem bashkëpunime me artistë të rinj, dhe jo domosdoshmërisht të sjell balada”, u shpreh Rovena. Kujtojmë se këngatrja është edhe këtë vit pjesë e kompeticionit të njohur me këngën “Cinderella”.
