Të gjitha vendet fqinje janë solidarizuar për të dhënë ndihma për personat e prekur nga tërmeti i fuqishëm që goditi Shqipërinë. Në veçanti qeveria e Kosovës ju është gjendur pranë vëllezërve shqiptarë jo vetëm me ndihma monetare. Në një mbledhje të jashtëzakonshme kryeministri i Kosovës Ramush Haradinaj ka mobilizuar njesitet e FSK-së dhe policinë, si dhe kompanitë private që kanë kontratë me qeverinë, për të qenë në gadishmëri për çdo rast nevoje. Ndërsa ministri i financave ka propozuar që të jepen 500 mijë euro për të gjithë të dëmtuarit. Ushtria e Kosovës u nis pak orë pas tërmetit të fuqishëm drejt Shqipërisë, për të ndihmuar në operacionet e shpëtimit në Durrës e Thumanë, ku ka më shumë dëme.
Kosova i gjendet pranë Shqipërisë, qeveria jep 500 mijë euro për të prekurit nga tërmeti
