Xherdan Shaqiri, Granit Xhaka, Shani Tarashaj, Valon Behrami e Adnan Januzaj nuk kanë marrë guximin t’i urojnë Kosovë barazimin me Finlandën, dhe debutimin historik në garat ndërkombëtare.
Të gjithë mbrëmë i kanë uruar Kosovës debutimin historik në garat zyrtare ndërkombëtare, si dhe barazimin me Finlandën (1:1).
Por, lojtarët kosovarë që luajnë për vendet tjera si: Xherdan Shaqiri, Granit Xhaka, Shani Tarashaj, Valon Behrami e Adnan Januzaj nuk e kanë thënë asnjë fjalë për vendlindjen e tyre.
Pasi e kanë refuzuar ftesën e Kosovës, lojtarët e lartpërmendur me siguri nuk kanë pasur ‘fytyrë’ t’i urojnë vendit të tyre startin e mrekullueshëm në kualifikimet për Botërorin 2018. /Express/
