Për pak ditë feston 40-vjetorin e lindjes, por ky fakt e bën të ndihet shumë keq, jo më kot në vjeshtën e këtij viti, sezoni i ri i ‘Keeping up with the Kardashians’ do të nisë me lot për Kourtney Kardashian. Ylli televiziv shfaqet duke qarë në trailerin e ri të sezonit që pritet të nisë rreth tetorit dhe video tashmë është bërë virale. Ajo flet për ndjesitë që po provon lidhur me faktin se shumë shpejt feston 40-vjetorin dhe duket se kjo ditëlindje nuk e bën të ndihet mirë. “Fakti që do festoj 40 vite jetë më shkakton ankth dhe kjo lidhet me jetën time. Ndihem shumë e paplotësuar, do të doja të kisha më shumë kohë”, shprehet ajo teksa qan përpara motrës së saj, Khloe.
Mesa duket dramat në familjen Kardashian-Jenner do vazhdojnë dhe ‘reality show’ për jetën e tyre do pasqyrojë çdo detaj tek publiku. /revistawho.com
