Karantinimi në shtëpi ka bërë që njerëzit të “vrasin” mendjen për të gjetur mënyra të ndryshme për të kaluar kohën. Disa i futen kuzhinës, disa të tjerë filmave dhe librave dhe disa të tjerë si Aurela Gaçe fillojnë dhe qëndisin. Këngëtarja së fundmi ka treguar se ka transformuar një bluzë të thjeshtë të zezë duke i shtuar gurë, rruaza dhe gjithçka tjetër që gjeti në shtëpi. Ajo qëndisi emrin e vajzave me të gjithë dashurinë e saj dhe duhet të themi që bluza duket shumë stil.
“Sapo e mbarova ! Nje bluze e imja me emrat e gocave. Nuk eshte perfekt, por u be me dashurine e mamit te tyre. Ta kene kujtim nga duart e mija ne ditet e izolimit. Madje tani qe u kujtova, do qendis edhe daten, muajin, vitin. U mundova me keto qe kisha ketu. Rruaza, zinxhire, edhe ndonje gur tek -tuk”, shkruan Aurela në videon ku shihet bluza.
Kreativiteti i Aurelës nuk është një suprizë pasi ajo gjithmonë ka treguar se ka një stil të veçantë dhe shpeshherë kujdeset vetë për pamjen e saj në skenë.
https://www.instagram.com/p/B-IMM9Ng46G/?igshid=5zbyuv2xo2i1
