Kris Jenner zbuloi se do i dhuronte gjithë familjarëve të saj për Krishtlindje një kupon 100$ për botox. Multimilionerja 64-vjeçare ka bashkëpunuar me një kompani të quajtur ‘Botox Cosmetic’ për të reklamuar këto kupona, të cilat do ja dhuroj familjes së saj. Kris ka treguar për ‘People’ se botox-i është një dashuri për të, duke qenë se tek ajo ka funksionuar vërtetë.
“Kush nuk e dashuron botox-in? Për mua ka qenë i mrekullueshëm. Nëse je i përgjegjshëm dhe flet me doktorin tënd, mendoj se funksionon. Është diçka që unë e kam përdorur për një kohë të gjatë”, ka thënë Kris për ‘People’. Ajo ka shtuar se ju ka mësuar edhe vajzave të saj se kujdesi personal është shumë i rëndësishëm dhe se do i dhurojë edhe të ëmës 85-vjeçare një kupon për botox. Por siç duket fansat e saj nuk e kanë pritur mirë faktin që Kris do ju dhurojë diçka të tillë famjarëve të saj. Disa prej tyre janë shprehur se ato para ajo mund t’i përdorte për të ndihmuar njerëzit në nevojë, ndërsa të tjerë thonë se një dhuratë e tillë është ofenduese. “Nëse dikush do më jepte botox si dhuratë, do ndihesha shumë e ofenduar. Jam e sigurt se në botën e Kris, do të ishte një dhuartë shumë e pranueshme”, ka shkruar dikush në rrjete sociale. “Pse nuk i jep ato para tek të pastrehët, të uriturit dhe tek ata në nevojë? Botox, seriozisht?!”, ka shkruar një tjetër. Por Kris nuk është e vetmja që bën dhurata të tilla, sepse edhe personazhe të tjerë të njohur, si Simon Cowell, japin karta botox-i për Krishtlindje tek njerëzit e afërt. /revistawho.com
