Kristen Stewart nuk ndihet aspak e kompleksuar për prirjet e saj seksuale dhe dëshiron që edhe njerëzit e tjerë ai ajo të ndihen të lirë. Aktorja ka folur hapur për lidhjen e saj në numrin e fundit të revistës “Elle” për artikullin “Woman in Hollywood”.
Stewart, e cila është një nga 8 yjet e famshëm hollivudian të këtij botimi, arriti kulmin e karrierës me rolin e saj në filmin “Twilight” përkrah aktorit Robert Pattinson, me të cilin ka qënë e lidhur nga 2009-2013. Pas ndarjes me aktorin, ajo nisi të shoqërohej me artisten e efekteve vizuale Alicia Cargile.
“Nuk ndihem aspak e kompleksuar dhe konfuze”, ka thënë ajo për marrëdhënien e saj me Cargile. “Gjërat kanë ndryshuar. Ne duhet të inkurajojmë edhe të tjerët për këto marrëdhënie, në mënyrë që të pranohen dhe të jenë të lirshëm”.
