Modelja dhe ish-Miss Universe Albania 2013, Kristina Bakiu është komentuar sot në media për një lidhje dashurie. Në suplementin “Panorama Plus” thuhej se bukuroshja ishte në një lidhje me modelin shqiptar Kledi Hysa, i cili e zhvillon karrierën e tij në Zvicër, njëkohësisht djali i hallës së bashkëshortit të modeles, Adrola Dushi mikeshë e ngushtë e Kristinës.
“Qesha shumë kur e lexova atë lajm, pasi fotot e përdorura janë bërë verën e vitit të shkuar ku ne kaluam shumë mirë. Kledi është një mik i imi shumë i mirë, ai është kushëriri i Adisit bashkëshortit të Adrolës dhe sa herë që vjen në Tiranë ne takohemi si miq. Ju e dini lidhjen time të ngushtë me Adrolën, atë e dua shumë si motër dhe si shoqe nuk e dua si kunatë”, sqaron për Who bukuroshja shqiptare, e cila na përfaqësoi pak muaj më parë në Miss World 2015-të në Kinë.
Dhe duke qenë një nga vajzat më të bukura shqiptare, natyrshëm na lind pyetja për Kristinën nëse është aktualisht në një lidhje. “Jo nuk jam në një lidhje. I jam përkushtuar totalisht shkollës dhe projekteve të modelingut, që për hir të së vërtetës nuk më lenë kohë për asgjë”, përfundon Kristina.
