Capital T është një ndër artistët që ju bashkua festivalit “Alba Festival” në Zvicër, për të dhuruar një performancë të jashtëzakonshme përpara patriotëve që jetojnë jashtë. Pas përfundimit të festivalit reperi është rikthyer sërish në vend me një avion privat dhe përpara nisjes ka publikuar një foto me të. Bashkangjitur imazhit reperi ka shkruar: “Si e kemi jetën ti as në ëndrra nuk e ke”.
Pas kësaj Capital T është kritikuar nga një ndjekëse, për faktin se kjo thënie mund të jetë shumë ofenduese për ata që nuk kanë mundësitë e tij financiare. “Kjo është një thënie mosrespektuese kur ka njerëz që vuajnë për të pasur ushqim në tryezat e tyre, për shkak të minimumit të pagave”, ka shkruar ndjekësja në fjalë. Pavarësisht se Capital T njihet si një nga artistët më humanë, për shkak të veprave të tij bamirëse, ai nuk është irrituar aspak nga ky koment. Përkundrazi reperi i është përgjigjur me qetësi dhe shumë mirësjellje. “Kam bërë shumë edhe për këtë çështje”, ka thënë ai.
Menjëherë pas përgjigjes së tij, Capital T ka marrë mbështetjen e shumë fansave që e dinë shumë mirë çfarë ka bërë reperi për të gjithë personat që nuk kanë të njëjtat mundësi si ai. /revistawho.com
