Mbrëmjen e kaluar është publikuar versioni anglisht i këngës përfaqësuese në Eurosong, “Fairytale” e shoqëruar me një videoklip. Pas shumë komente pozitive lidhur me këngën pjesëmarrëse të Eneda Tarifës, duket se pas publikimit të versionit anglisht, komentet nuk kanë qënë dhe aq pozitive.
Shumë komentues nga mbarë bota kanë shkruajtur në faqen zyrtare të Eurovizion, se versioni shqip ishte më i mirë se ai në anglisht.
“Eshtë një gabim i madh ta performosh këtë këngë në anglisht! Versioni shqip ka më shumë ndjenja dhe pasion”, shkruan një komentuese.
“Çfarë keni bërë?! Kënga ka humbur fuqinë e saj…” shkruan një tjetër.
Ndërkohë edhe në youtube, versioni anglisht i këngës “Fairytale”, ka më shumë ‘dislike’ se sa ‘like’.
