Marrëdhënia mes Victoria Beckham dhe djalit të saj të madh, Brooklyn, po kalon një moment tejet të vështirë, duke krijuar një nga krizat më të ndjeshme familjare që ka përjetuar ndonjëherë familja Beckham. Sipas burimeve për The Sun, tensionet e vjetra duket se po rikthehen me forcë, duke e rënduar emocionalisht ish-anëtaren e grupit Spice Girls.
“Victoria nuk fle rehat kur mendon se një nga fëmijët e saj është në konflikt me familjen. E ka përjetuar shumë rëndë gjithë këtë situatë,” ka treguar burimi për median britanike.
Tensionet nisën që në periudhën para martesës së Brooklyn me Nicola Peltz në vitin 2022, kohë kur raportet mes çiftit dhe prindërve të Brooklyn-it u ftohën ndjeshëm. Megjithëse Victoria dhe David janë përpjekur të rindërtojnë lidhjen me nusen e tyre, duket se gjërat nuk kanë shkuar sipas pritshmërive.
Zhgënjimi më i fundit për familjen Beckham u ndje në festimet e 50-vjetorit të David Beckham. Mungesa e Brooklyn dhe Nicola-s në të gjitha eventet — që nga darka luksoze në Londër, tek festa në Francë dhe deri tek ceremonia private në Cotswolds — është parë si një shenjë e qartë se marrëdhëniet janë ende të acaruara.
Për më tepër, spekulimet për një afërsi të dyshimtë të Brooklyn-it me një vajzë të quajtur Kim janë mohuar me forcë nga burime të afërta me familjen. Ata i kanë quajtur këto thashetheme të pabazuara dhe pa lidhje me situatën aktuale.
Pavarësisht përpjekjeve për t’i dhënë fund tensioneve, duket se raporti mes nënës dhe djalit të saj ka mbetur i brishtë, duke ushqyer më tej dyshimet për një ndarje emocionale në zemër të një prej familjeve më të famshme në Britani.
