Pamja e qytetit të Krujës nuk është më e njëjta pas realizimit të projektit “Kruja Si’Xhade”. Me iniciativën e moderatorit të emisionit “Chaud Patate” Flori Gjini dhe mbështetjen e Ambasadës Zviceriane, hyrja për në kalanë e Krujës do të ofrojë një mikëpritje të bukur. Në një hapsirë prej 400 m2 është realizuar pamja e një qilimi me motive të vjetra.
“Mikpritja më e bukur për në Kala! Dje u inagurua me sukses projekti Kruja Si’Xhade, qilimi me motivet e vjetra (400m2) i realizuar për 58 orë punë, së bashku me 25 të rinjë të gjimnazit “Skënderbeu”. I dhamë jetë një qyteti të vogël si Kruja, por që ka shumë për të treguar. Si viti i heroit tonë kombëtar, kjo ishte detyra më e bukur. Faleminderit Ambasadës Zviceriane për mbështetjen,nëpërmjet “Swiss Cultural Fund” dhe Ambasadorit Christoph Graf për vizitën e tij, CBTL team për profesionalizmin dhe Bashkisë Krujë për mikpritjen, zyrtarisht është e juaja. Ndërkohë ne jemi gati për të vazhduar turin tonë në qytetin e radhës me skuadrën e RIAS”- ka shkruar gazetari bashkangjitur fotove nga ky projekt.
Duhet theksuar se kjo iniciativë nuk përfundon me kaq, por do të vijojë edhe në qytete të tjera të Shqipërisë./revistawho.com
https://www.instagram.com/p/Bim86bEHy7O/
