Deri tani, Shqipëria ka 243 të prekur nga Koronavirusi. Megjithëse rastet shtohen çdo ditë, përhapja në vendin tonë është me e ulët se në vendet e tjera. Ka qenë vetë kryeministri Edi Rama, që e ka bërë të ditur përmes një grafiku që tregon kurbën e përhapjes në Shqipëri dhe vende të tjera.
Në grafik tregohet rritja e rasteve ditë pas dite ku shikohet se jemi ndër vendet që kanë pasur rritjen më të vogël.
“Kurba e përditësuar sot, me ndihmën e Zotit dhe rezistencën e madhe të të gjithëve ju, ne do t’ia dalim po nuk lëshuam asnjë centimetër vijën tonë të hekurt të mbrojtjes. Deri Në Fund”, shkruan Rama.
