Atletet e Kryeministrit Rama në Parlament ose në takimet e tij zyrtare gjithmonë kanë tërhequr vëmendje. Shpesh kanë krijuar edhe debat, nëse është apo jo etike për një Kryeministër të vishet me atlete. Megjithatë Rama ka thënë shpesh se me to ndihet komod dhe nuk ka arsye për t’u kthyer në një objekt diskutimi.
Gjithsesi duket se Kryeministri ka hequr dorë prej tyre, të paktën kështu është kuptuar nga dalja e fundit publike në parlament. Rama kishte veshur një palë këpucë të hapura në pjesën e përparme dhe pa çorape. Të tilla këpucë të veshura në këtë formë i kemi parë rrallë ose aspak në radhët e qeveritarëve. Duket se këtë herë Kryeministri ka zgjedhur të heqë dorë nga komoditeti dhe në vend të tij të zgjedhë modernitetin. /revistawho.com
