Kthehet pas në kohë, Jennifer Aniston kujton kohën kur luante ‘Friends’: Më mungon shumë

Jennifer Aniston ka dhënë një intervistë për ‘InStyle’ në 25-vjetorin e revistës së njohur dhe ka reflektuar për karrierën e saj të gjatë. Një nga temat që preku ishte edhe seriali ‘Friends’, komedia më e njohur, ku aktorja e njohur krijoi miqësi të forta dhe sot e kujton me nostalgji. “Unë kam fituar besim në vete kur xhiroja ‘Friends’. Ne ndihmonim njëri-tjetrin dhe po xhironim një serial për miqtë pa e kuptuar se ishim bërë miq të vërtetë me kalimin e kohës. Më mungon shumë ajo kohë. Ajo punë ka qenë lumturi e pastër për mua”, u shpreh aktorja e famshme. Vite pas u mbyll transmetimi i sezonit të fundit të ‘Friends’ aktorët nuk i kemi parë më të bashkohen si dikur, por raportet mes tyre vazhdojnë të jenë të mira. /revistawho.com