“Princesha Sissi” është filmi austriak ku interpreton aktorja Romy Schneider. Film që tregon historinë e dashurisë së Perandoreshës Elisabeth dhe Perandorit François-Joseph (Franz).
Filmi me metrazh i viteve ’50 akoma vazhdon akoma t’i bëjë shumë gjenerata të ëndërrojnë duke e kthyer atë në një kult. Kritikë të fushës kanë analizuar disa nga arsyet që ky film vazhdon akoma të mbetet kaq i dëshiruar edhe pse kanë kaluar plot 66 vite nga transmetimi i tij.
Sipas tyre një nga arsyet kryesore është edhe debutimi perfekt i aktores Romy Schneider, e cila ka arritur të mishërojë rolin si në karakter ashtu edhe fizikisht.
Ai është një film që të bën të ëndërrosh. Si fëmijët ashtu edhe të rriturit mahniten si për rrjedhën e ngjarjeve ashtu edhe për veshjet e princeshës si dhe kështjellat magjike.
Është një film i përjetshëm pasi është trasmetuar brez pas brezi, një film mitik që nuk njeh moshë. Një film klasik që na pëlqen ta ndajmë me miqtë dhe të afërmit, shkruhet në “Marie Claire”.
Ngjarjet janë të bazuara në një histori të vërtetë. Sipas kritikëve kjo është edhe një nga arsyet se përse njerëzit afeksionohen menjëherë me këtë film. Është pikërisht realiteti i tij që e kthen atë në një një hitori magjike që gjithkush dëshiron të përjetojë qoftë edhe një herë të vetme në jetë.
