Mariah Carey ka thënë më parë se ajo shkroi hitin e saj “All I want for Christmas Is You” në tastierën e saj muzikore kur ishte fëmijë, por kompozitori Ëalter Afanasieff pretendon të kundërtën. Ai pretendon se Mariah thjesht “nuk e kupton muzikën”.
Walter Afanasieff e bëri deklaratën gjatë podcast-it “Hot Takes & Deep Dives ëith Jess Rothschild”, në të cilin ai zbuloi se si ai dhe Carey, 52 vjeç, bashkë-krijuan këngën menjëherë pasi bashkëpunuan në albumin e saj të vitit 1993 “Music Box”.
Afanasieff tha se të dy ishin fillimisht në të njëjtin mendim për këngën, por rreth 10 vjet më parë, Mariah tregoi një histori tjetër.
“Kur ajo filloi të thonte, ‘Oh, e shkrova atë këngë kur isha vajzë e vogël!’ Por pse nuk e thoshit këtë për 12 ose 13 ose 15 vjet më parë?”, tha ai.
“Jam krenare për këtë këngë që kam shkruar si fëmijë në tastierën time të vogël Casio”, tha Mariah në atë kohë.
Megjithatë, Afanasieff tani del dhe thotë se kjo nuk është e vërtetë.
“Ajo nuk luan asgjë, nuk luan në tastierë apo piano. Ajo nuk e kupton muzikën, nuk di ndryshimet e akordit dhe teorinë e muzikës apo diçka të tillë. Ajo nuk njeh një akord të zvogëluar nga një akord i shtatë i vogël në një akordë të shtatë maxhore”, tha Afanasieff.
“Kështu që të pretendosh se ajo shkroi një këngë shumë të komplikuar të strukturuar me akorde me gishtin e saj në një tastierë Casio kur ishte vajzë e vogël, është një përrallë,” shtoi ai. “Kam studiuar muzikë, kam diplomë për muzikë. Unë jam një orkestrues dhe aranzhues i arrirë. Unë mësoj muzikë”.
