Energjitë negative apo shpirtrat e këqinj ndodhen në purgator ose në ferr. Shpirtrat që kanë fuqi më të vogël ndodhen në purgator, por sa më thellë të shkojmë në ferr aq më shumë të fuqishëm bëhen shpirtrat. Kur të mbërrijnë në Tokë, shpirtrat e këqij mund të rrinë në disa vende. Mund të formojnë qëndra në qeniet e gjalla dhe jo të gjalla. Qëndra është vendi ku ata e ruajnë energjinë e tyre negative, të zezë. Shpirtrat që hyjnë në njerëz – shpirtrat e këqij ekzistojnë rreth nesh, në disa prej njerëzve dhe mbi ta, me qëllim të realizimit të dëshirave dhe hakmarrjeve të tyre, apo duke u argëtuar, duke i munduar ata. Shpirtrat e këqij mund ta pushtojnë cilëndo pjesë të organizmit, duke filluar nga mendja, e deri te çdo pjesë fizike e tij. Ky quhet pushtim nga djalli. Pushtimi mund të zgjatë disa vjet, bile, kush beson në reinkarnacion, edhe në disa reinkarnacione me radhë. Njerëzit nuk e dinë se janë të pushtuar nga djajtë dhe se ata i realizojnë dëshirat e shpirtrave/djajve.
Shpirtrat që hyjnë në kafshë: Shumica e shpirtrave hyjnë në kafshë. Në fakt, ata i përdorin kafshët për t’i frikësuar njerëzit. Kafsha e xhindosur bëhet agresive, i sulmon njerëzit dhe i shqetëson në mënyra të tjera.
Shpirtrat në bimë – Në përgjithësi, shpirtrat mund të përforcohen në trungje të bimëve. Druri tamarind është i njohur si dru që preferohet nga shpirtrat. Edhe fiku indian është i preferuar nga ta.
Vendet e pushtuara nga shpirtrat: Kur në ndonjë vend ndodh ndonjë masakër dhe vjen deri te vdekja, atëherë aty mund të mbetet ndonjë shpirt, i cili nuk i lejon të tjerët që të hyjnë aty. E mundojnë këdo që shkon. Vendet e tilla quhen të pushtuara nga shpirtrat.
Si të mbrohemi nga shpirtrat e këqinj?
Praktikat e rregullta shpirtërore na ndihmojnë që ta arrijmë një fuqi shpirtërore, e cila bëhet mbrojtësi ynë kundër shpirtrave të këqij. Para se të hyjmë në vendet ku e dimë se mund të ketë djaj, duhet t’i lutemi Zotit që të na mbrojë nga ta. Është e kotë ta injorojmë ekzistimin e shpirtrave të këqij, apo djajve. Ata ekzistojnë dhe mund të kenë ndikim fatal në jetën tonë, prandaj mos e futni kokën në rërë, si struci, por veproni si iu këshilluam dhe me lejen e Zotit, do të jeni të mbrojtur. /Kosova Sot
