Marrëdhënia e Stresit dhe Kejsit vazhdon të jetë e komentuar në rrjete sociale. Pas ndarjes së përfolur, Kejsi u kthye në Kanada ku dhe po vazhdon jetën e saj, ndërsa Stresi nga ana tjetër është kthyer fuqishëm në muzikë. Ditën e sotme ai ka publikuar në ‘Instagram’ një foto ku shfaqet pranë oxhakut dhe krahas kësaj fotoje ai shkruan: “Drutë i kam ndezur dhe fotot i kam djegur”. Ky përshkrim ka bërë të gjithë të dyshojnë se mund të jetë një dedikim për ish-partneren e tij, por ka qenë vetë reperi ai që e ka sqaruar situatën me një tjetër koment.
“Mos keqkuptoni shprehjen time, pasi nuk ka të bëjë me fotot që mendoni ju, sepse sado të djegësh foto kujtimet nuk i djeg dot”, ka shkruar Stresi, duke ngritur akoma dhe më shumë dyshimet për një ndarje të mundshme. Nuk dihet nëse kjo është vetëm një zënkë mes çiftit apo një ndarje përfundimtare, por një gjë është e sigurt, ndjenjat janë të njëjta./revistawho.com
https://www.instagram.com/p/B2HyPFopjSt/?igshid=c4mraez7gixc
